ام مالك

يا أعز من ولدى ياولد ولدى

2011-02-14T05:00:00.000-08:00

الاسم : أنس أحمد ابو الدهب .

تاريخ الميلاد : 25 / يناير / 2011

عمره : عدد أيام الثورة .

النوع : ذكر يبشر بجيل قادم من الشباب الرافع راية الحرية كسابقيه .

وحشتونى ياولاد بلدى ياغاليين

ما أحلى الرجوع إليكم فى هذه المناسبة الخاصة بى بوصول أول أحفادى فى يوم الثورة

ويالها من مفارقة ويالها من مصادفة أن يأتى فى هذا اليوم لدنيا مختلفة وحياة مختلفة

دنيا الحرية وحياة المحبة والتى معاها تألفت القلوب

ورحمكم الله ياشهداء الثورة ياأبطال انعموا فى جنة النعيم فى مقعد صدق عند مليك مقتدر

وشُلت أيدى من أصابكم وستظل رائحة دماءكم الذكية بيننا تذكرنا دائما وأبدا بكم

وبحب بلدى وبموت فى بلدى الله عليها الله

وإلى الملتقى .

يامن جعلك الاله لى صاحبا + رسائل خاصة وواجبة

2010-03-23T13:19:00.000-07:00

نعم ايها الصاحب بالجنب اكتب اليك كلماتى لعلها تكفى اوتوفى

لم يرفعك ربى لهذه المكانة الا لاستحقاقك لها فانت الصاحب

بالجنب بل الجنب القريب جدا لى

29عاما مرت علينا كنت نعم الصاحب - كنت أول من أُفضى

له مابداخلى ومايحدث معى دون رقابة وكنت الصديق الوفى الذى يسمع

ويوجه ويتفاعل ولم تكن يوما مستمعا فقط

كنت القلب الواسع واليد الحانية والعاطفة المتدفقة والاحتواء الدافىء

لم تبخل باى شىء نحوىرغم صعوبة الايام وقسوتها فمعا مرت بنا الحياة

وكانت اشواكها كثيرة ولكن بك ومعك كان لها طعم الحلاوة حتى وهى تُسقينا من مرارتها

وجاء مرضى ومن غيرك يسقينى يوميا جرعات الامل حتى اصبحت عينى التى أرى بها

ولم تكن اى عين بل عين تجعل كل ماحولى جميل

حتى قلبى وماأ صابه من وعك جاءت مشاعرك واحساسيك ومحت كل مابه من تعب وكيف لا وبجانبه قلب مثل قلبك يحتويه

أقول لك شكرا فمهما قلت من كلمات فلن تكفى او توفى

شكرا لأدخالك السرور عليا دوما بل شكرا لتفانيك فى فعل أى شىء يسعدنى

حفظك الله لى راعيا ومؤنسا وحبيبا وطبيبا ومتلهفا وفياضا وحنونا كما انت دائما

وبارك الله لى فى عمرك ايها الصاحب بالجنب

وبعد هذه الكلمات عاوزاة اقولكم كلكم وحشتونى كثير معى انى لم ابعد كثير عن مدوناتكم ولكن كنت بقدر الامكان

اتواصل مع كل جديد عندكم عن طريق اولادى فهم يقرءون لى كثير من مدوناتكم

وارجو ان تلتمسوا لى العذر لعدم ردى على تعليقاتكم عندى اوكتابة تعليق عندكم فكثير منكم يعرف ظروفى ويلتمس لى العذر

وهذه بعض رسائل بسيطة أريد ان أوصلها الى :

محمد ابو حازم صاحب مدونة هكذا علمنى رسول الله صلى الله عليه وسلم مهما قلت يامحمد تعجز الكلمات عن شكرك لما تقوم

به نحوى وانت خارج الوطن بارك الله فيك ياابنى وحفظك من كل سوء ويسر لك الامر

فاتيما فرحتى بمكالمة يوسف ليكى لا توصف كنت أدعى كثيرواقول يارب اجبر كسر قلبها وطمنها عليه وجاءت البشرى بالمكالمة

وتعتبر من اجمل هدايا عيد الام للمدونين

دكتورة ستيتة الحبيبة ليكى وحشة كبيرة رغم تواصلى مع مواضيعك ربنا يبارك فيكى وفى اولادك وزوجك ولكى محبتى فى الله

استاذ عمرو الجويلى صاحب مدونة اللؤلؤة اشكرك على كلماتك والتى ترفع كثير من معنوياتى

محمد صاحب مدونة اعشق فى الليل ضوء القمربارك الله فيك يامحمد وماتقوم به من اتصالات دائمة للاطمئنان عليا وماأ عرفه عن

خلقك الطيب يجعل هذا ليس بغريب عليك ياباشمهندس

دكتور ياسر عبد الفتاح مش عارفة اقول ايه بتعتذر عن انشغالك وغيابك فى الاطمئنان عليا وانت متصل من أ سبوع اقول ايه بس

كلماتك الطيبة لسة بترن فى اذنى ربنا ييسر امورك ياياسر ويكتب لك الخير كله

مصطفى المعتصم فى اتصالك بيا قلت لى كلمة لن أنساها ماحيت وهى انك لم تتخيل أن تقول لاحد غير أمك يا أمى ووجدت

نفسك تقولها لى كلمة كبيرة من ابن غالى فى انتظار تليفونك مع الانسة ن كما وعدتنى ربنا يتمم لكم بالخير

احمد الصعيدى الشاعر المميز تصلنى سلاماتك جزاك الله عنى كل خير

محمد طهر فؤادك جزاك الله عنى كل خير وصلت سلاماتك ودعواتك

اليس فى بلاد العجايب متشكرة جدا ليكى ياحبيبتى وصلتنى كلماتك الطيبة وفرحتنى ربنا مايحرمنى منك ويكتب

لك كل الخير

جيجى والعالم اتصالاتك وكلماتك بتفرحنى كثير شكرا لكى ابنة قلبى الودودة

كلمات من نور شفاكى الله وعفاكى اختى الحبيبة يارب تكونى بأحسن حال وشكرا لكى حبيبتى على سؤالك واطمئنانك

ام البنات شكرا لكى حبيبتى على رسالتك ربنا يجعله فى ميزان حسناتك ويدخلك عليكى السرور دائما كما تدخليه على قلبى

دكتورة حنان أ م البنين رسالتك ودعواتك الطيبة لى فيها أسعدتنى كثيرا ربنا يبارك فيكى

المهندسة رانيا القدر وانا شكرا لكى حبيبتى على سؤالك الدائم جزاكى الله كل خير على لفتتك الطيبة فى بوست عيد الام

وكمان عاوزاة اقول لسلمى جزاك الله خير ياحبيبتى على سؤالك الدائم عليا ياريت تطمنينى على ياسر فانا لم انساه من الدعاء

لقد خلقنا الله احرار شكرا لكى على سؤالك ياحفيدة عرابى ياغالية

رانيا العزيزة ليس فقيرا من يحب جزاكى الله خير على سؤالك واطمئنانك

دكتورة نور هاتى جزاكى الله خير على كلماتك الرقيقة فهى تدل على شعور طيب منك بارك الله فيكى

والف سلامة عليكى يادودو ياعاشقة الرومانسية ولو انها متاخرة يارب تكونى بخير دلوقت وشكرا ليكى حبيبتى على تعليقك

بمناسبة عيد الام ابكتنى كلماتك ولمست قلبى لاتها خارجة من قلب شفاف مثل قلبك ربنا يكتب لكى كل الخير فلم انساكى من الدعوات أبدا

واود أن أهنى:

حنين القلب فرحت جدا ياحنين بقدوم عمر وربنا يسهل وأقدر أجى أشوفه وده وعد منى سابق بس أسترد صحتى شوية ولغايه ده مايتم

ليه بوسة كبيرة

شيما بتاعت الحكومة خبر الخطوبة فرحنى خالص الف مبروك ياحبيبتى ربنا يتمم بالف خير

اميرة غربتى ا لف مبرو ك ياحبيبتى على الخطوبة طبعا فرحت كثير ربنا ييسر لك كل الامور ويتمم بالف خير

صاحب مدونة عالم حبيب الحمد لله ان غيابك كان بسبب الزواج الف مبروك وربنا يرزقك الذرية الصالحة

وكمان عاوزاة اقول لعادل البلد ديه فيها حكومة ليك وحشة ياعادل وكل سنة وانت طيب وعقبال ميت سنة

وايناس ملاك يعيش بكوكب اخر كل سنة وانتى طيبة ياايناس وعقبال ميت سنة

مستكة الغالية كل سنة وانتى طيبة ياحبيبتى معلش متاخرة والسنة الجاية تحققى كل أمانيكى

ومسك الختام فى الرسائل الخاصة لخالد همس الاحباب عنده بوست عجبنى وده اللينك بتاعه

http://hams07.blogspot.com

عامل دعوة هو ومجموعة معاه لمشروع صدقة جارية وده الينك ربنا يبارك فيك ياابو همس انت ووش الخير داليا قوس قزح

معلش بوست طويل لكن اعمل ايه كان لازم الرسايل والتهانى توصل لاصحابها فلا يشكر الله من لم يشكر الناس ومعلش لوكنت

نسيت حد كلكم غاليين وعلشان كده عاوزاة اهنى كل واحد او واحدة عنده مناسبة حلوة وبرضه أواسى اى حد عنده ظروف وحشة

وحارجع واقولكم لاتنسونى من الدعاء ونلتقى على خير امتى الله وحده أعلم

اسمها نهلة

2010-01-01T00:09:00.000-08:00

اهلا ياجماعة الخير طبعا لكم وحشة كبيرة واكرر شكرى لكم على سؤالكم عليا ودعواتكم ليا
لقيت شوية انتعاش فى الصحة ( وياخوفى يابدران من هذه الانتعاشة) قلت اجى ادردش معاكم فى كام حاجة كده ده طبعا غير البوست
طبعا انتهت 2009 وبدات سنة جديدة ومن قبلها انتهت السنة الهجرية وطبعا نفسى اقول كلمة للتذكرة
لازم كل واحد فينا يقف وقفة مع نفسه ويعمل كشف محاسبة لنفسه ويحاول الاصلاح فى الخطايا ويكثر من الطاعات ونحاول جاهدين
التقرب الى الله بالاعمال الصالحة وكل من مر به حدث مش كويس او كويس يحمد الله على ماحدث معه وامر المؤمن كله خير

وعاوزة اقول لسارة صاحبة مدونة سارة السعودية شرفتى ونورتى مصر وياريت تكونى انبسطتى وربنا يبارك فى حبايبنا المدونين
اللى رحبوا بيكى وياريت الزيارة تتكرر
وكمان عاوزة اوجه نداء اتوجه بيه الى الابن الغالى المهندس احمد ابو العلا واقوله يعز علينا فراقك يااحمد واحنا عارفين اننا غاليين عليك
ومش حتقدر على بعدنا حنسيبك ترتاح شوية وبعدين ترجع بينا تانى باذن الله

نيجى بقى للبوست وهو كان مفروض يتنشر قبل كده بمدة ولكن معلش ملحوقة
كنت انا وبنتى على موعد فى احدى اماكن تفصيل الملابس( اتيليه) المهم الموعد كان مع صاحبة المكان وكان فيه تاكيد على الميعاد بانها لازم
تكون موجودة هى شخصيا لان ده فستان زفاف ولازم اشرافها هى عليه
عندما ذهبنا وكان الموعد قبل الافطار فى رمضان واننا لانستطيع الذهاب بعد الافطار علشان الصلاة وكده وجدنا صاحبة الاتيليه مش موجودة
رغم تاكيدها انها ستكون موجودة
الموقف طبعا زعلنى وطلبت من البنات الموجودة الاتصال بيها فما كان منها الا الاعتذارلظروف عندها طبعا زعلت وبدات اوجه كلامى للبنات الوجودين
عن احترام المواعيد والالتزام بيها وخاصة لو مكان عمل واثناء زعلى وحدتى فى الكلام فاذا بفتاة من ضمن الفتيات كانت جالسة على ماكينة خياطة تقوم
وتهدأ من روعى وانها ستقوم هى بوضع اللمسات على الفستان مثل صاحبة الاتيليه بالضبط
اظهرت ضيقى وان الرتوش الاخيرة لازم تضعها المدام نفسها اصرت الفتاة الا نخرج زعلانين وقامت واخذت تنفذ ماطلبناه منها من اضافات وكنت انا والحق
يقال متحفزة فى طلباتى انها لن تجيد فعل مانطلبه
لم يطول الامر فبعد فترة بسيطة اكتشفت ان لها لمسة جميلة وانها اضافت اقتراحات زادات من جمال الفستان وكانت لها كلمات رقيقة اخرجتنى مما كنت فيه
وبدات اتجاذب معها الحديث
انتى اسمك ايه ؟ قالت اسمى نهلة
انتى معاكى شهادة يانهلة ( خلوا بالكم نهلة خياطة على ماكينة فى اتيلية من ضمن كثير من الفتيات) وجاءنى ردها المفاجىء
انا معايا ليسانس حقوق وعاملة ماجستير فى القانون الدولى
قلت لها وطبعا علشان قلة الشغل وكده بتشتغلى هنا
وجاءنى ردها بالمضمون الذى اذهلنى
قالت لا انا اشتغلت مع محامى كبير والحمد لله اهلى عندهم امكانية يفتحوا لى مكتب لكن انا بحب هذه المهنة وفى طريقى لفتح اتيليه وانا هنا بتدرب واخد خبرة
قلت لها معقولة واهلك موافقين على كده
قالت لا طبعا والدنيا مقلوبة هما عاوزين طبعا الاستاذة راحت والاستاذة جت وانا بقاوم ولن اتنازل عن هدفى ومشروعى
قلت لها خلى هدفك ومشروعك بعد ممارسة عملك الاساسى واللى اخذتى سنين فى دراسته
قالت اصلا انا دخلت الكلية ارضاء ليهم وعملت الماجستير ارضاء لنفسى ومع ذلك لم استطع التخلى عن حلمى
انتهى حوارنا انا متقمصة دور الاهل والدفاع عن وجهة نظرهم وهى وبنتى متقمصين دور الابناء والدفاع عن امانيهم واحلامهم

وتساءلت كيف لو انا فى هذا الموقف مع بنتى؟

ده انا لما بنتى كانت فى الثانوية وكانت علمى وحصلت على مجموع كبير فى ثانية ثانوى وجاءت فى ثالثة وحولت ادبى لانها
على حد قولها ورغم تفوقها فى العلمى ميولها ادبية اكثر اصابتنى حسرة كبيرة لان كان نفسى تدخل صيدلة
وماذا لو بنتى المهندسة كانت جاءتنى بعد تخرجها وقالت انها ستعمل فى شىء فى غير ماتخصصت علشان هى بتحب هذا الشى
الموضوع انتهى والسؤال عندكم الان
ماذا تفعل لو حدث هذا من احد ابناءك خلوا بالكم فرقوا (السؤال هل تقبل ان يفاجاك ابنك او بنتك فى تغيير المسار بعيد عن دراسته
حتى وان كان تغيير المسار سيجعله فى مجال اخر غير مجاله التعليمى مثل ماحدث من نهلة)
وكمان عاوزاة اعرف راى الشباب او الفتيات وياريت تكون الردود واقعية

تنويه اخير اتمنا منكم جميعا المشاركة فى نشر هذه الحملة ولتكن اول الاعمال الصالحة لنا فى العام الجديد فقد جاءتنى وكعادته دائما
من محمد صاحب مدونة طهر فؤادك وهى عن كفالة اليتيم وطبعا المشترك فى هذه الحملة سواء بالتنويه عنها او بالعمل بما جاء فيها
عارفين الجزاء طبعا حيكون بجوار الحبيب صلى الله عليه وسلم فى الجنة ومش مهم الكفالة بالمال ممكن بكلمة حلوة او بزيارة ولعب معاهم
او بمسحة على روءسهم ادخلوا على هذا الرابط وستجدون تفاصيل اكثر وجعله الله فى ميزان حسناتكم

http://rasoulallah1.blogspot.com/2009/12/blog-post_09.html
ودمتم بالف خير

رجع الحجاج الحمد لله

2009-12-05T19:43:00.000-08:00

لبيك اللهم لبيك عبارات رددتها الألسنة واهتزت لها القلوب

الاسلام بخير ياجماعة وإحياء شعائر الله قام بها المسلمون على أكمل الوجه فى موسم الحج هذا العام

فلم تتناقص الأعداد كما ادعى البعض

وهكذا ستظل راية الأسلام عالية

طبعا جاءتنى هذه البشائر من الحجاج الذين ذهبوا سواء أقارب او مدونين

من المدونين من قام بالحج هذا العام الابن الغالى ابو حازم صاحب مدونة هكذا علمنى رسول الله

واقول له حمد لله على السلامة ولا استطيع ان أصف فرحتى وأنت تتصل بى من هناك لتطمئنى عليك وعلى أداء المناسك

وصلت الدعوات وربنا يتقبل

والابن محمد صاحب مدونة طهر فؤادك حمد لله على السلامة يامحمد وتقبل الله منك

اما حبيبة قلبى جيجى صاحبة مدونة جيجى والعالم فأقول حمد لله على السلامة ياجيجى فرحت اوى لسماع صوتك بعد وصولك بالسلامة

وتقبل الله منك

وبكده يكون رجعوا الحجاج واطمنا عليهم

وتهنئة لكل الحجاج من المدونين الذين حجوا من السعودية استاذ ناجى صاحب مدونة ذو الوجه المبتسم ومهندس مصرى بيحب مصر وميخو رحيق الحياة

واقول لهم حج مبرور وذنب مغفور

والحمد لله على سلامتكم ويارب نكون جميعا صحبة العام القادم هناك بإذن الله

كل عام وأنتم بخير

2009-11-26T09:26:00.000-08:00

لا أستطيع الغياب عنكم فى هذه المناسبة الطيبة

- فأولا : كل سنة وانتم طيبين يا أحسن ناس عرفتهم فى حياتى .

- ثانيا : أمر المؤمن كله خير وأكيد ما أمر به هو خير واعرف انكم تدعون لى من قلوبكم وبإذن الله ربنا يتقبل الدعوات .

- دكتورة ستيتة بوست العيد هو بداية عيدى نزلت دموعى معه كالأنهار وأحمد يقرءه لى فهو كان البداية لعودتى لكل شئ بعد أن كان كل شئ متوقف حولى ربنا يجعل ما تفعليه فى ميزان حسناتك ودايما مجمعة الأحبة على الحب والمودة .

- أما الابن الحبيب مصطفى المعتصم مش عارفة أقولك ايه وفرحتى بخبر الخطوبة ملهوش وصف وشاءت الأقدار أن أكون عارفة الموضوع قبل إتمامه وآخر من يعلم عندما تم فرحانة قوى يامصطفى ربنا يتمم بالخير .

- دكتور ياسر اعتذر بشدة فلم أعرف غير اليوم بكم اتصالاتك وسامحنى على عدم الرد وستعرف التفاصيل أكثر عند اتصالى بك .

- فاتيما الحبيبة أنا بخير ياحبيبتى ونشر التعليقات كان يتم عن طريق احمد وكنت فى ظروف جعلتنى لا اعلم شئ عن اى شئ لم انساكى او انسى يوسف بالدعوات .

- أما أنتم ياأحبائى فسؤالكم عنى لا يكفيه شكر او كلمات وفى هذا اليوم المبارك لكم عندى جميعا أحلى الدعوات لم ولن أنسى أحد منكم ومهما طال البعد أو الغياب فسيعود الوصال .

كل عام وأنتم جميعا بألف خير ولا تنسوا الدعوات .

مش عارفة اقولكم ايه ؟

2009-10-22T17:43:00.000-07:00

شكرا لكم أحبتى فى الله ,,

وهل تكفى كلمات الشكر أو توفى ولكنها هى ما أملك

جزاكم الله عنى خير ما جازى إله عبادٌ له أدخلوا السرور على قلب مسلم بدعواتكم

نعم الرب ربى

عبارة رددتها ولا زالت أرددها ولن يتوقف لسانى عن ترديدها

نعم الرب ربى الذى أحطانى بقلوب مُفعمة بالحب قد مُزجت بالإخلاص

حتى لا تكاد تعرف أهى أصلٌ للأخلاص

أم الأخلاص لها أصل

نعم الرب ربى الذى أخذ الجزء ولم يأخذ الكل رحمة بى وله حكمة فى ذلك

ما منعك إلا ليُعطيك وما ابتلاك إلا ليعافيك وما امتحنك إلا ليُصفيك

كنت أتعجب من نفسى على مشاعرى الفياضة نحوكم

ولكن لما لا وهى مشاعر تجاه ناس أحبتها بصدق

حتى صار حبها من أقوى روابط الدم والنسب

لا أعبأ ولا يشغل بالى مستقبل وما يحمل فيه

طالما هناك ألسنة تلهج بالدعاء لى وكأنى ألمح بين سطوركم نبرات أصواتكم الحانية تحتوينى وتحمينى من نفسى

فحمدا لله الذى وهبنى قلوب تفهمت ما أنا فيه بدون ذكره وكانت سندا لضعفى بحكمتها وجبرت كسرى بروعة كلماتها

لا حرمنى الله منكم ولا من دعواتكم وطيب قلوبكم ولين قولكم ورقة مشاعركم

ومن هذا فزيدونى فمعها يطرب القلب

قدر الله وما شاء فعل

2009-10-10T06:53:00.001-07:00

يعلم ربى كم تمنيت أن أكون بينكم اليوم
ولكن حالت ظروفى الصحية دون ذ لك
قدر الله وما شاء فعل
وأتمنى ان يجمعنا ربنا دائما على الخير
سامحونى على غيابى عنكم
وأسألكم الدعاء بشدة لى فى هذه الايام أن يتمم لى الله الشفاء

إلهى أنت تعلم كيف حالى
فهل ياسيدى فرج قريب

الدال على خير كفاعله انضموا لحملة مدونتك تنقذ طفلك

2009-09-29T14:13:00.000-07:00

اولا : عاملين ايه ياجماعة الخير اللهم تقبل منا ومنكم رمضان ومعلش يمكن اكون مختفية شوية وبرضه متواجدة شوية
معلش الظروف هى اللى بتحكم والحمد لله على كل شئ بس بجد محتاجة دعواتكم وربنا يتقبل بإذن الله
وربنا ييسر الامور وتعدى على خير كسابقيتها

ثانيا : وهذا هو سبب موضوعنا اليوم جاءتنى دعوة من الفاضل صاحب مدونة طهر فؤادك
للمشاركة معه فى حملة التبرع لمرضى السرطان من الاطفال بمستشفى 57357 وطبعا بما إنه عمل من اعمال الخير فكان عليا الاستجابة الفورية

خصوصا وانه من علامات قبول رمضان بعد الاستقامة على الطاعات بعده ان يرزقنا الله الأعمال الصالحة
وهذا من اول الاعمال الخير التى رزقت بها بعد رمضان
واتمنى ان تشاركوا فيها كلكم ولقد وصف الله تعالى المسارعين فى الخيرات بالصالحين
طبعا طهر فؤادك ربنا يكرمه قام بالواجب وزيادة فى شرح كيفية الاشتراك فى الحملة سواء بالدعوة ليها فى المدونة أو بالنشر الجماعى
والذى يبدأ من اليوم وهو 29-9 وكمان شرح كيفية التبرع وكل واحد وقدرته حتى ولو كان التبرع بقيمة مكالمة تليفون
وطبعا التفاصيل كلها ستعرفونها فى هذا البوست المفصل فى مدونة طهر فؤادك

http://rasoulallah1.blogspot.com/2009/09/blog-post_23.html

طبعا فيه اكثر من مدونة أعلنت عن الحملة
ولكن أكثر مدونة لفتت نظرى كانت مدونة ابو حازم هكذا علمنى رسول الله صلى الله عليه وسلم لفتت نظرى ليه ؟
علشان تناول غير الاعلان عن الحملة كذا نقطة منها
* ألا نركز على هذه المستشفى بالذات بل كل المسشفيات التى تقوم بعلاج الاطفال والكبار كمان داخل المستشفيات
سنرى العجب من الحالات التى تستحق المساعدة
* كمان الاهتمام بزيادة دار الايتام وطلب اننا نتعاون معه فى عمل دليل شامل يدل على كيفية التعامل مع المستشفيات وكيفية التبرع لها
وكذلك دار الايتام وده موضوع مهم ياريت كل من لديه الخبرة او اى معلومة يشارك فى عمل هذا الدليل

http://egyxq8.blogspot.com/2009/09/blog-post_28.html

ومن عندى انا اقول دار المسنين ياجماعة ايضا محتاجة اهتمامات وزيارات ده هناك حنشوف قصص ومواضيع ترقق القلوب
ولسه الاستاذ هانى صاحب مودنة نط فى الكوز ناشر موضوع ياريت تدخلوه وتشوفوه

http://notyagen.blogspot.com/2009/09/blog-post_29.html

عاوزين نطلع من ده كله بالاسراع فى الاشتراك فى اعمال الخير واولها الحملة الموجودة دلوقت واللى عنوانها
مدونتك هاتنقذ طفلك

ربنا يبارك فى شبابنا ويرزقهم فعل الخيرات ويدلونا عليها ونشارك معهم فى اعمال الخير ويملأ ميزان حسناتكم جميعا بالحسنات من الاعمال الصالحة

ياريت تيجى ياعيد

2009-09-18T08:24:00.000-07:00

ياريت تيجى ياعيد وفى قلب كل واحد فرحة

ياريت تيجى ياعيد ومفيش فى اى عين دمعه

ياريت تيجى ياعيدومفيش فى اى جسد الم او انين

ياريت تيجى ياعيد وفى كل بيت بركة ورزق واسع ووفير

ياريت تيجى ياعيد وربنا ناصر كل مظلوم

ياريت تيجى ياعيد وربنا مفرج الكروب

ياريت تيجى ياعيد والحب والدفء مالى القلوب

ياريت تيجى ياعيد واحنا من المقبولين

ياريت تيجى ياعيد واحنا من النار معتوقين

ياريت تيجى ياعيد واحنا دايما متحابين ومن الرحمن قريبين

وفى ظل عرشه يوم القيامة مجتمعين

وياريت تيجى ياعيد وتكون مبارك عليهم اجمعين

وبالنسبة لى فسوف تيجى ياعيد وستكون باذن الله سعيد

عارفين ليه

علشان عرفتكم يااحسن صحبة واجمل مدونين

وكل سنة وكلكم طيبين

هناك فى جوف الليل

2009-09-08T05:05:00.000-07:00

أين أنت من صلاة الليل ؟

أين أنت وسط رهبان الليل ؟

هل تنام ملء العيون والجفون وكأن الساعات الليل مجانية لا ثمن لها

أخشى ما أخشاه أن تكون ممن ينفقون ساعات ليلهم فى اللهو واللعب والضحك والعبث

ثم ينامون كالجثث الهامدة

أعيذك بالله من ذلك

أين أنت من دموع الباكين وخضوع المتضرعين وسجود الخاشعين؟

أين أنت من ذل المنكسرين بين يدى رب العالمين ؟

هناك فى ظلمة الليل حيث التجرد التام من كل حول وقوة وحيث الافتقار الحقيقى إلى رحمته ورضاه

هناك فى جوف الليل حيث سقوط الاقنعة والألقاب

هناك فى جوف الليل حيث لا أحد يراك ولا أحد يسمعك غير الله وحده وتلجأ اليه وتعترف بين يديه بذنوبك ومعاصيك وتذللك وانكسارك وافتقارك اليه وحاجتك فيه

هناك فى جوف الليل حيث تسقط عنك تزكية اهل الارض وثناءهم الجميل ويبقى ثناء أهل السماء واستغفارهم

هناك فى جوف الليل تقر بأن هو الله وتلبس ثوب العبودية فتعترف بنقصك وتقر بتقصيرك

هناك فى جوف الليل حيث تنهار جبال المعاصى والذنوب وتبدل السيئات حسنات وتغلق أبواب المعاصى والزلات وتفتح أبواب المغفرة والرحمات وينهار رياءك واعجابك بذاتك فترتقى بها عن الذنوب والأدناس

هناك فى جوف الليل يزداد يقينك بربك تناجيه باسمائه الحسنى وصفاته العلى وهو السميع البصير المجيب

هناك فى جوف الليل تلح عليه لانه الكريم العفو المنان الذى يحب العفو

هناك فى جوف الليل ترجوه أن يمن عليك بتوبة لا تعصيه بعدها أبدا وسعادة لا تشقى بعدها ابدا وبرضا ورحمة لا يسخط عليك ولا يعذبك بعدها ابدا

هناك فى جوف الليل سوف أدعو لكم أن يمن الله عليكم بمحبته ويحقق لكل واحد فيكم أمنيته وأن يبارك لكم فى اعماركم ويمتعكم فى ظل أزواجكم وزوجاتكم وأولادكم

ويرزق الفتيات الأزواج الصالحين ويرزق الشباب الزوجات الصالحات

وأن يشفى مرضاكم ويرحم موتاكم وأن يرزقكم لية القدر بخيرها وعفوها

ولا تنسونى فى جوف ليلكم من دعائكم

انظر للموجود ولا تنظر إلى المفقود

2009-08-28T20:51:00.001-07:00

فى البداية اشكر كل اللى دخل وعلق على البوست اللى فات وكانت كل التعليقات تهنئة بالشهر الفضيل فاقول لكم جميعا

كل عام وانتم بخير ويرزقكم فيه من الخير كله عاجله وآجله

وندخل فى الموضوع

منذ فترة ليست بالقصيرة وانا أرى مسحة الحزن والكآبة تكسو كثير من المدونات بل كثير من المحيطين بنا

وكنت اتساءل لماذا كل هذا الحزن الذى أراه فى السطور وفى الوجوه

فكلما نظرت حولى وجدت مبتلى أو مكروب أصبحت أسمع فى كل دار نائحة وأرى فى كل عين دمعة بل فى كل جسد انين

وأخذت اتساءل ما الامر ؟ ما هذا الحزن غير المطلوب والذى لافائدة فيه وقد استعاذ منه الرسول صلى الله عليه وسلم فقال : (( اللهم إنى اعوذ بك من الهم والحزن ...))

لماذا أصبحنا ننظر إلى كل أمر صعب او موقف شديد على انه مصيبة من المصائب التى لاتقوم لنا قائمة بعدها وقد تكون هذه المصيبة ابتلاء يبتلى الله بها عبده فإذا صبر عليها أعطاه الأجر والثواب

لماذا أصبحنا نغفل عن السراء فى حياتنا ونتشبث بالضراء ونتمسك بها ونجعلها تسيطر على كل حلو فى حياتنا

لماذا كل هذا الحزن وعندنا من النعم من لو تفكرنا فى واحدة منها لرفعنا عن أنفسنا هذا الحزن وهذا الكرب وأقول :

( يامن تشتكى الفقر وضيق ذات اليد لو احسنت التوكل على الله لرزقك من حيث لا تحتسب فهو وحده الذى بيده الأقوات والأرزاق ((وَمَا مِنْ دَابَّةٍ فِي الْأَرْضِ إِلَّا عَلَى اللَّهِ رِزْقُهَا)) ( هود : 6 )

فلنتقى الله فى مأكلنا ونحمده على كل الأحوال ولا نسخط

يامن تشتكى من ضيق السكن ودائما حامل الهم وساخط لو علمت أن ما عيش إلا عيش الأخرة وأن سكن الدنيا ما هو دار قرار ولكن لو رضيت وقنعت وعلمت ان القناعة هى الغنى ولا تنظر إلى غيرك واعلم انه ليس لك حيلة فى الأمر

إذا كنتى فتاة ولم يرزقك الله الجمال وغير راضية عن شكلك قد تتحلين بجمال الخلق وهو الدائم فلماذا انتى غاضبة ساخطة تقولين لماذا خُلقت هكذا ولست كفلانة الجميلة

اعلمى أن أى إمرأة مهما بلغت درجة جمالها وهى على غير طاعة وعلى غير خلق فهى قبيحة فلا تتركى لنفسك السخط وتحلى بالخُلق والإقبال على الله فهذا سيضيف على وجهك قبول وجمال ربانى يشعر به كل من يراكى

يامن تشتكين من التأخر فى الزواج والإنجاب اعلمى ان رزقك فى هذا الأمر مكتوب وأنتى نطفة فى بطن امك فأنتى لا تعلمى الخير أين

فتأخير هذه الامور من أبواب الدعاء والمناجاة والقرب من الله فألا تحبين أن تكونى قريبة منه إياكى أن تقولى أن فلانة أقل منى علم أو جمال وتزوجت فهذا قول دنيوى واعلم أن الله حبس الأمر عنك لحكمة لا يعلمها إلا هو

وفى نقطة الانجاب قد تقولى مثل منهى عنه وهو يعطى الحلق للى بلا ودان عندما ترى اطفال الناس هم أقل منكى فى المستوى وقد حدث هذا أمام عينى من بنت لصديقة لا تنجب ورآت أطفال فى الشارع متسخين ويلعبون فى التراب فتحسرت وقالت هذه المقولة وهذا نوع من السخط على الله

فاشغلى نفسك واجعلى لكى هدف غير الزواج والإنجاب اجعليهم من ضمن الأهداف ولكن ليس كل الاهداف فتقومين وتنامين عليهما وتوقفين كل حياتك عليهما واعلمى أن ما عند الله لا ينال إلا بطاعته

ولنعلم أن الرضا باب الله الأعظم وأن هذا الامر يحتاج إلى المجاهدة

والمجاهدة تحتاج إلى همة عالية ونفس زكية

أقول لكم كل هذا حتى ترفعوا عن أنفسكم الحزن وتتمعنوا فى نعم الله عليكم فهى تغمرنا من فوقنا لتحتنا وتحيط بنا من كل جانب

فكروا فى انفسكم وتمعنوا فى قول الله تعالى ((وَفِي أَنْفُسِكُمْ أَفَلَا تُبْصِرُونَ))(الذاريات:21)

وتذكروا قوله سبحانه وتعالى ((يعْرِفُونَ نِعْمَتَ اللهِ ثُمَّ يُنكِرُونَهَا)) ( النحل :8)

واعلموا أن اهم شئ يثبت السعادة وينميها ألا نهتم بتوافه الأمور وعندنا هذا الكم من النعم

واجعلوا همكم الأكبر هو كيف سيكون اللقاء مع الله والوقوف بين يديه فمهما كثرت الهموم فهى أقل من هذا الهم

وعالجوا جرح قلوبكم بالرضا والصبر

والله المستعان

وفى النهاية أدعوكم لقراءة موضوع ممتع للغاية للحبيبة ستيتة
http://mosh3arfa7aga.blogspot.com/2009/08/blog-post_28.html

تاج رمضانى

2009-08-21T10:39:00.000-07:00

كل عام وانتم جميعا الى الله اقرب وعلى الطاعة أكثر
كل عام وانتم جميعا بألف خير وعافية
اللهم بلغكم رمضان بألف خير وتقبل منكم صالح الاعمال ورزقكم من كنوزه الرحمة والمغفرة والعتق من النار
أغلبية المدونات تكلمت عن الاستعداد لرمضان وأعجبنى موضوعين عن هذا الموضوع وهما

مدونة من اجل التمكين

http://fortamkeen.blogspot.com/2009/08/blog-post_15.html

مدونة على خطى الحبيب

http://way2gannah.blogspot.com/2009/08/blog-post_18.html

ومن هنا أقول لمروة صاحبة مدونة فتاة من الصعيد أزعجنى جدا خبر وقوفك عن التدوين وابتعادك عنه وفعلا انا متأثرة من هذا الخبر وعشان انتى موقفه التعليقات فبقولك كل سنة وانتى طيبة يامروة وياريت تفكرى فى القرار خاصة وانك من العقول المميزة فى مجال التدوين
ومن الاخبار الجميلة اللى فرحتنى هو نجاح الابن ياسر عبد الفتاح وحصوله على بكالوريس الصيدلة مبروك ياياسر ويارب اشوفك صاحب اكبر صيدلية فى بنى سويف
وانا بإذن الله حاكون متواصلة معاكم ولو تواصل بسيط فى رمضان باى شئ خاص بالشهر الفضيل
وجانى تاج رمضان من سالى صاحبة مدونات حاجات جوايا وسوف اقوم بالاجابة عليه لارتباطه بالشهر الكريم

ماذا يمثل لك رمضان في كلمتين؟؟
- رحمة ومغفرة .

هل كتبت خطتك التي تنوي تطبيقها في رمضان؟؟
- مفيش خطة مكتوبة ولكن خطة محفوظة وربنا ييسر الامر ويعين على الاكثار من الطاعات .

ايه احسن حاجة لك في رمضان ؟
- صلاة التراويح وفى البيت مع نفسى وكله بره البيت .

ايه الحاجة اللي انت جربتها رمضان اللي فات وناوي تكررها السنة دي ؟
- الحاجة اللى جربتها مش من رمضان اللى فات بس انما من كذا رمضان انى انام بعد التراويح واقوم الساعة 2 ولغاية السحور صلاة وذكر وعاء وبإذن الله تتكرر طول ما العمر ممدود .

شعارك السنة دي في رمضان ايه؟
-ان ابذل كل جهدى فى الطاعات حتى اصل للعتق من النار وليكن الشعار العمل الجاد من اجل العتق من النار.

ناوي تفطر كام واحد في رمضان؟
- الخير كتير ونخليها بظروفها ربنا يكثر من الصايمين واحنا نفطرهم ويكون لنا الاجر والثواب بإذن الله .

ايه الطاعة اللي انت ناوي تداوم عليه بعد رمضان ؟
- قيام الليل اللهم اعنا على ذكرك وشكرك وحسن عبادتك وتكون عبادتنا خالصة لوجه الله .

امرر التاج الى
- لكل واحد او واحدة حابب يجاوب عليه بمناسبة الشهر الفضيل.

وكل سنة وانتم طيبين

تسموه ايه ؟ + تحدييييييث

2009-08-08T12:28:00.000-07:00

اولا ورد على سؤال الكثيرين والذى جاء فى البوست اللى فات واللى كان ليه ام مالك مش ام احمد طالما احمد هو الكبير ؟
اقول لكم ان ام مالك ده فى التدوين بس وانا اختارت ام مالك اسم للمدونة لتميز الاسم ولكن فى الحياة العامة وفى الاوساط العائلية والتعامل فانا ام احمد وماحدش بينادينى بام مالك
ثانيا عندى شوية اهداءات للتاجات وعلشان الاهداءات عزيزة عليا فانا حاقوم باجابتها ولكن ممكن يتاخر الميعاد شوية وممكن اجاوب عليه قريب مش عارفة فارجو من اصحابها انهم ما يزعلوش للتاخير
ثالثا نيجى لبوست النهاردة واقول
تسموه ايه ؟
تسموه ايه اللى فى القلوب واللى ربط بين اسماء ومجرد كلمات ؟
تسموه ايه لما القى نفسى قلقانة وفرحانة لناس ما شوفتهمش ابدا فى حياتى ؟
دكتورة ستيتة اسعد لاى شئ يسعدها واقلق لما كتبت وقالت تعبانة ولما عرفت سبب قلقها ظلت الدعوات لوالدتها المريضة ربنا يشفيها واعيش حزنها على فراق انس
دكتور توكل مسعود واللى منه بنكتسب الثبات ربنا يجعل ما مر به فى ميزان حسناته
استاذ فشكووول لما جه يصيف وحصل معاه بعض المواقف الاستغلالية وغيظى منها
استاذ عمرو ورحلة السفارى ومتابعتها بشغف وكان اخى المسافر
استاذ تامر على و كتاباته المتقطعة واثر غيابه كأنه واحد من الاسرة غائب

استاذ ابراهيم المصرى ادام الله عليه نعمة البصر والبصيرة
فاتيما وفراق ابنها ودعائى المستمر لها بعودة يوسف الغالى لحضنها
دكتور ياسر لما يقول عندى مادة صعبة يوم الاربع واظل طول اليوم قلقة وادعو له
اعشق فى الليل ضوء القمر والخيفة اللى اصبحت فى نفسى من انه يمر بامور معينة واللى كان قلقى عليه قلق الام على ابنها
دكتور مصطفى بنجاوتى واختفاؤه السابق وقلقى عليه ودعائى له
مصطفى المعتصم ابن وجه قبلى السهل الممتنع
دكتور اسلام هنعيش يعنى هنعيش ومتابعتى له وقلقى عند الاختفاء والطمأنينة عند العودة
استاذ عمرو صاحب اللؤلؤة وموسوعة التاريخ واللى استفدت منها كتير وعصفورته الحبيبة ربنا يرزقها حفظ القرآن
ام البنات وشعورى وحزنى لما مرت به من مشاعر متضاربة بعد وفاة والدها
ام البنين الحبيبة الجالسة فى قلبى وبينا آلاف الاميال
كلمات من نور احيانا اشعر بشتات نفسى فادخل عندها فأجد قلبى يطمئن بكلمتها واخرج وانا هادئة النفس وكأننا التقينا
مجداوية بنت اسكندرية المميزة الجادة الهادفة فى مواضيعها

ام احمد المصرية حبيبتى الغالية بنت ابلة فاطمة جمعتنى بلد واحدة معاها وربنا يجمعنى واياها فى جنة نعيم

ايمان ومونى ودعواتى الدائمة لهم ان ربنا يكمل لهم حملهم على خير وتكون ذرية صالحة
اميرة ملكة بحجابى سيدة القصر وسيدة قلبى الذى احتواها كابنته
مامة مازن واللى بشعر معها انها الحبيبة والابنة والاخت القريبة
القدر وانا اختى الحبيبة التى لم اراها ولم القاها ولكن كأن بينا عشرة طويلة
احساس طفلة وشعورى بغربتها الذى لا يقل عن شعورى بغربة بنتى
دودو عاشقة الرومانسية وشعورى بالقلق الدائم عليها ودعائى المستمر لها ان يتم فرحها بألف خير
سلمى محمد وحادثة اخوها ياسر وبكائى الشديد كما لو كان ابنى
موناليزا وعرضها الرائع للمواضيع المميزة وانتظارى لها بلهفة
جيجى الحبيبة وقفلها لمدونتها فى وقت من الاوقات وفرحتى لمرور الفترة دى بسلام
نوارة واللى هى نوارة قلبى وحبيبتى وعندها بشعر بشقاوتها وغلاوتها
سالى حاجات جوايا بنت دمياط الجميلة وربنا يبارك لها فى دودو
تأثير الفراشة ياااه يادكتورة لو كنتى تعرفى اشتياقى لكى فى فترة الغياب
منوشة واللى دايما اكون فرحانة لفرحها وقلقانة لقلقها
ايوشة ومروة فتاة الصعيد بناتى حبيباتى جدا لقلبى
حاسوباتية ودعواتى الدائمة لها بتيسير الامور مع خطيبها واسرتها
مونى الشريف وبسمة صلاح واختها شوشو وفرحتى بعودتهم لمصر
المصرية الغالية ولهفتى على اى شئ يطمنى عليها
حروف الحبيبة وطلبها انها تقولى يامامتى وقلبى اللى فرح جدا بطلبها
سول والتكليف اللى شغلها شوية عننا ورجعتها بالسلامة وقصة التزامها الرائعة
انوسة عاشقة الاحزان واللى ربنا يجعل كل ايامها افراح ودعواتى الدائمة ليها ان ربنا يبعد عنها الاحزان
روفى الرقيقة واحن قلب وام

حنين القلب ولما عرفت بخبر حملها بعد سبع سنين ودموعى اللى نازلة طول ما انا بقرأ بوست لما عرفت الخبر
ميمى زائرة رومانيا الجميلة واللى قلقتنا فى بوستها الاخير
صلاح مسدس صغير واللى معاه مسدس لا يخرج منه الا الطلقات المميزة
والباشمهندس احمد ابو العلا اللى من ساعة جلفدان هانم ما جت وشغلته عننا
ناجى ذو الوجه المبتسم ولما عرفت انه كان فيه مشاكل فى الشغل وظللت ادعو له لغاية ما دخل وطمنا
تسموه ايه ؟
لما اقرأ فى مدونة البحر احمد سعيد بسيونى انه اصبح فى ذمة الله وابكى لمدة يوم لفهمى الخطأ للعنوان وانه فى ذمة الله لصلاته الفجر فى جماعة
رانيا سبهللة مهندسة الديكور الرائعة واستعداها للحاق بزوجها واقولها حتوحشينى اوى
ام البتول اللى بينى وبينها الفة كأنى اعرفها من سنين
حياتى نغم ومازلت اتعلم بناتى اللى ربنا يعلم محبتهم فى قلبى
محمد انها حياتى وعودته ثم غيابه والدعوة بان يعود الينا سريعا

مصعب صلاح واعجابى الشديد بيه واللى مش مصدقة سنه لغاية دلوقتى
واما علشان علو الهمة وتطير النفس للسماء فورا اتجه عند ابو حازم هكذا علمنى رسول الله صلى الله عليه وسلم وكذلك عند اكيد ومجرد مدونة ومن اجل التمكين
ريم الدلوعة واللى ساعات اقول لنفسى انها طفلة صغيرة مش ام لبنتين
دكتور محمد عرفة واللى شكله كده زى الواد احمد ابنى لانه بيؤيده فى الاعتراض
مستكة ست البيت الممتازة دايما فى بالى ولا انساها من الدعاء
سارة و قلب ارهقته الاحلام وقلبى مملكة حبيبات قلبى
ميخو واللى مش حيقدر يبعد عننا
شيكولاتة واللى دمها زى الشكولاتة
محمد غالية الغالى المتواجد بيننا دائما
اسير الغربة وعندما قرات قصة سفره كاد قلبى يتوقف
دكتور عمرو فاروق وطلبه انه يكون مثل ابنى وقد كان ومتابعتى من خلال المدونة متابعة الام لابنها
ابراهيم حنانى اللى دخل الجيش وفى البحرية ومفتقدين اخباره

دكتور على خميس اللى غايب عننا واتمنى نشوفوه قريبا بألف خير
هعزف لنفسى وحكايته مع القطار واللى كانه فيها موعظة كبير ليا وبفكر فيها على طول
احوال الهوى والفرحة بعودته للوطن والتمنيات بالرجوع للمهندس المصرى وربنا يهون فراق الغربة
المجاهد الصغير ام انس اللى سعيدة جدا بالتعرف عليها واللى بحس انها صغيرة اوى على انس ربنا يحفظه ويجعله صالح

وكتير وكتير اللى متمش ذكرهم ولكن التواصل بينا بالقلب
معلش البوست طويل شوية ولكن حبايبى كتير الحمد لله
واللى مش مصدقة ان الفترة اللى بينى وبينهم لا تتعدى الاربع شهور وفى منهم الى لسه يادوب العلاقة وليدة ايام
والله ما ببالغ لما بقول انى اعيش معهم بكل احاسيسى فى كل موقف وفى انتظار الاجابة منكم على السؤال
تسموه ايه ؟

تحديث :

انا عاملة التحديث مخصوص علشان بنتى وحبيبتى الاء همسة ايمان واللى قاعدة ومتربعة فى قلبى مش علشان تعليقها

لا علشان اقولها والله ياألاء انا كنت كاتباكى فى المسودة اللى بكتب فيها على الورق قبل النت ومش عارفة ازاى سقط منى سامحينى ياالاء

على فكرة ألاء منزلة بوست على حاجة حصلت لاخوها الدكتور سامر ادخلوا وشوفوا حجم المأساة

http://hamseteman.blogspot.com/2009/08/blog-post.html

وغربتى حبيبتى اللى لسه مكتشفة دلوقتى حالا ان اسمها مش مكتوب مع انى فاكرة انه كان مكتوب معلش يااميرة غلطة مطبعية حكم السن بقى ومش بنساكى من دعائى ابدا ربنا يبارك فيكى

بس انتى عارفة انك اميرة واميرة قلبى كمان

وبالمرة عاوزة اقول لما زلت اتعلم ان انا ذكرتها هى وحياتى نغم جنب بعض وارجعى للبوست وشوفى وانا انساكى برده

واذكر المهاجر وعلى خطى الحبيب وجحا المصرى وحلم بيغافر

ابنائى الاعزاء وسقطت اسماءهم سهوا

واحب اذكر شخصية اعجبت بيها من لقاء المدونين وهو رامز عباس ربنا يبارك فيك وبروحك المرحة

والكثير والكثير فى القلب حتى وان لم يتم ذكره

الواد احمد ابنى واخوه مالك

2009-07-31T12:05:00.001-07:00

انا بكتب البوست ده النهاردة واحنا كلنا سهرانين

فى خطوبة دودو عاشقة الرومانسية

سهرانين طبعا معاها بقلوبنا

ربنا يتمم لها بالخير وعقبال الفرح

واقولها :

(( جعله الله لكى كما تحبى وجعلكى له كما يحب وجعلكما معا له كما يحب ويرضى ))

وابدأ فى بوست النهاردة

فى حياة كل منا اشخاص مقربون يحدث بيننا شد وجذب واختلافات وتعصبات حتى تشعر القلوب للحظة ان الجفاء دب فى قلوبنا

كما يحدث احيانا بين الزوجة وزوجها ففى الخلاف تشعر وكأن هذا الشخص يكرهها بل يكاد يكون من أعدائها

وكذلك بين الاباء والابناء والكثير والكثير من المواقف

ولكن تأتى لحظة شدة وألم فتجد هؤلاء هم أقرب الناس إليك وتفيض أعينهم حزنا عليك

وتظهر ألفة القلوب والتى قد تعتقد فى لحظة من اللحظات أنها ذهبت وحلت محلها العدواة

والموقف اللى جايلكم بيه النهاردة برهان على المقدمة اللى فاتت

موقف بينى وبين ابنى احمد هو صحيح الحمد لله رب العالمين ما وصلتش المرحلة بيننا لدرجة الجفاء اللى قلتها فى المقدمة ولكن حالى وحاله

كحال كل الاسر مع شباب هذا الجيل واللى بينهم من شد وجذب

من حوالى شهر كامل لما مر بيا موقف المرض الاخير حصل موقف منه مش قادرة الذاكرة تنساه ابدا وقبل ما احكى الموقف اديكم فكرة عن احمد

هو شاب زى الشباب فى اولى اكاديمية

وبينا شد وجذب على طول

هو دايما معترض وانا دايما ثايرة

وهو معترض على ايه ؟ معترض على صوتى العالى وانا بكلمه

معترض انى عامله وراه مخبر سرى بس مش بطريقة تحرجه ولا حاجة ولكن مثلا اذا اتصل حد من اصدقائه

احاول اعمل معاه حوار بطريقة معينة لعلى اعرف حاجة خفية وطبعا بيوصله الخبر ويبقى بينا مصانع الحداد

معترض على متابعتى له وهو بره دايما بالموبايل وانت فين ومع مين وراجع امتا ؟

معترض على تعليماتى وهو مع اصدقائه ان العربية ما تبقاش على اخر سرعتها لانى مش حمل اى خبر وحش يوصلنى رغم ايمانى بقضاء الله وقدره وهكذا وهكذا

وأنا دايما ثايرة انى الاقيه بيندمج فى الحاجات اللى الشباب بيعملوها اليومين دول

زى اللبس المعين والحاجات دى

هو الصراحة مش مندمج فى المواضيع اياها ولا بيتصرف اى تصرف مثير للشبهات بل بالعكس والحمد لله السجاير والديسكو والهلس اللى بيعمله كتير من الشباب هو ابعد ما يكون عن هذا

وواثقة فى اخلاقه جدا جدا ولكن دايما انا خايفة

المهم انا وهو فى حالة شد دايما لغاية ما فاجأنى المرض وجه الدكتور وقالهم ان لازم ادخل العناية المركزة لان الضغط عالى وده فى خطورة جامدة وطبعا انا سامعة ولكن مكنتش قادرة اعلق

الا انى اشوف الواد احمد الدموع نازلة انهار من عينيه وماسك ايدى ومش عاوز يسيبنى وهو اللى بيلبسنى الهدوم اللى حانزل بيها

مرة الاقيه راكع عند رجلى ومرة واقف وبيقبل راسى وفى عينيه دموع وخوف وحزن

طبعا موضوع المرض مش اول مرة يحصل كنت احسه وقتها انه متأثر

لكن اول مرة اشوف كل الدموع والحنية دى وفعلا الموقف مش عاوز يروح من دماغى

ربنا يحفظك يااحمد من كل سوء

اما بقى الحدث التانى كان يوم 25-7 من 8 سنوات كان ولادة ابنى مالك اخر العنقود

وبين مالك واحمد عشر سنين طب ليه الفرق ده ؟

ده ليه حكاية طويلة هابقى احكيها لكم فى بوست تانى منفصل ان شاء الله

انا حبيت انى اذكر فى البوست مالك بالمرة علشان يوم ميلاده واقوله

كل سنة وانت طيب

كل سنة وانت منور حياتنا

وبما انك ماكنتش فى الحسبان فبقولك انا مش عارفة ازاى كانت الحياة كان هايبقى لها طعم من غيرك

ومولدك وقصتك من الحاجات اللى الذاكرة مستحيل تنساهم

كل سنة وانت فاكهة حياتنا

وفى النهاية بدعوكم لقراءة موضوعات جميلة جدا وهم

فى مدونة من اجل التمكين

http://fortamkeen.blogspot.com/2009/07/blog-post_13.html

هكذا علمنى رسول الله صلى الله عليه وسلم

http://egyxq8.blogspot.com/2009/07/blog-post_27.html

هعزف لنفسى ( الموضوع فيه عظة كبيرة لينا)

http://ha3zf.blogspot.com/2009/07/blog-post_31.html

ســامحــــونـــى

2009-07-22T12:28:00.000-07:00

سامحونى ياجماعة الخير
الغياب مش طويل ولكنه غير مقصود ويمكن أنا قلت قبل كده الأسباب الثلاثة اللى بتبعدنى ولكن هذه المرة اللى بعدنى شوية تعب
انا مش عاوزة زى الاسطوانة المشروخة اقول كل شوية التعب
لكن غصب عنى
من فترة كده اقل من شهر جاءنى ارتفاع مفاجئ فى الضغط وبعدها الامور مش مظبوطة أبدا
ولكن معلش انا بحاول التواجد فى وسطكم قدر الامكان
متعرفوش فرحتى اد ايه لما تسألوا عليا او حد من الغايبين رجع واطمئنت عليه

بشكر دكتور مصطفى بنجاوتى
وبشكر اعشق فى الليل ضوء القمر
وبشكر عاشقة الرومانسية
وجيجى وكل اللى افتكرنى حتى لو فى سره
وبشكر دكتور ياسر اللى طمنى عليه وعلى عودته وكذلك دكتور اسلام هنعيش يعينى هنعيش
وبشكر كل اللى علق على بوست الدكتورة مروة الشربينى الله يرحمها وعدد كبير من المدونات اول مرة تمر عندى ومن دول متفرقة

وسامحونى على عدم الرد على تعليقاتكم وبإذن الله يدوم التواصل
انا قرأتها كلها وبإذن الله أدخل مدوناتكم وأتابعكم

وببارك لأستاذ عمرو صاحب مدونة اللؤلؤة ولعصفورته الجميلة على عمل المدونة ربنا يبارك فيها ويجعلها من حفظة القرآن وده لينكها

http://elasfora.blogspot.com/

كذلك عجبنى موضوع عند أختى كلمات من نور وده اللينك بتاعه http://mamanooor.blogspot.com/2009/07/blog-post_15.html
ياريت تقرأوه وتحاولوا تنفيذه والدال على الخير كفاعله

كذلك ستيتة الحبيبة تدعو للقاء تدوينى يارب يتم على خير ويتنفذ ويجمعهم الحب فى الله ويكون لقاء جميل ونكون معاهم بقلوبنا

والله انا دايما اقول انه كما فيه ابناء للرحم فأيضا يوجد ابناء للقلوب وهذه هو شعورى أن المدونيين أعتبرهم ابناء قلبى
فإن القلوب إذا حملت لم تلفظ حملها بعد تسعة أشهر كما الرحم أعتاد
بل لربما امتد الحمل أعواما عديدة وازمنة مديدة
ودائما ابناء القلوب لا يُنجَبون بل يظلون دائما القلب محلمهم ومثواهم

فجزاكم الله عنى كل خير وحفظكم الله لقلبى الواهن
ولا حرمنى الله منكم ورزقنى بركم وحسن صبحتكم
والله ما نريد من الدنيا أكثر من قلوب جمعها الحب فى الله بصدق حتى صار هذا الحب أقوى من رباط الدم والنسب
ودمتم جميعا بالخير

بأى ذنب قُتلت ؟؟؟؟؟

2009-07-06T10:06:00.000-07:00

وابنتاه وحزناه يامروة الشربينى
قام نبينا الكريم صلاة الله وسلامه عليه بغزوة بنى قينقاع من أجل امرأة خٌلع عنها حجابها
فمن لكِ يامروة ؟
انظروا كيف تعامل مع مثل هذه المواقف صلى الله عليه وسلم وهو المتسامح الرحيم
كان يتعامل بكل ما أوتى من قوة ويعلن الحرب
هذا هو ديننا الحنيف
دين العزة
دين الكبرياء

اى ذنب اقترفتِ بنيتى إلا إنكِ كنتِ سفيرة لدينك بالحجاب
فلتعلوا الصيحات والصرخات حتى تصم الآذان
فليكتب كل من كان كاتبا
وليعبر كل معبراً
ولنذرف الدمعات ولتتكاتف الآيادى
وليعلم أعداء الاسلام أن الله يأبى إلا أن يتم نوره ولو كره الكافرون
فلينتقم الله من كل من أصابك بسوء حبيبتى سواء بالطعنات او بالخرس وتجنب التصريحات
كنتِ الصورة المشرفة لدينك والتى تتصاغر بجانبها الهامات
أحسبك شهيدة عند ربك تنعمين فى عليين وليعلم الجميع أن ديننا هو دين الثبات ومعه ستعلو الصيحات
فأفيقوا يامسلمون من السُبات

بشرى ودعوة واما تاقت نفسك للجنة 2

2009-06-25T13:40:00.000-07:00

أولا ابشركم بان الابن الغالى أحمد ابو الدهب زوج ابنتى الحبيبة لجين قد قام بعمل مدونة أ دعوكم لزيارتها
للتعرف عليه والتواصل معه فسوف تجدون فيها اشياء مميزة وسوف تكون ثرية خاصة عن الحاسوب وتقنايته
والتعامل معه ومع فيروساته والحماية منها وغيره وغيره ادخلوا وستعرفون محتوياتها وهذا هو لينك المدونة
http://abologyn.blogspot.com/

____________

نيجى لموضعنا واللى سنعرض من خلال كلام الله عز وجل وكلام رسوله صلى الله عليه وسلم مشاهد من رحلة
المؤمنين الى الجنة

المشهد الاول : نوق بيض شراك نعالهم تور يتلألأ واقفون فى انتظار الخارجين من القبور .
وهذا بداية الرحلة
ياأهل الجنة يوم يقوم الناس خائفين مذعورين تقومون انتم مستبشرين امنين تتلقاكم الملائكة بالتهنئة والبشرى يقول الله تعالى : ((لَا يَحْزُنُهُمُ الْفَزَعُ الْأَكْبَرُ وَتَتَلَقَّاهُمُ الْمَلَائِكَةُ هَذَا يَوْمُكُمُ الَّذِي كُنتُمْ تُوعَدُونَ)) سورة الأنبياء آية 103.
اقسم الرسول صلى الله عليه وسلم يوما فقال
(( والذى نفسى بيده انهم اذا خرجوا من قبورهم استقبلوا بنوق بيض لها اجنحة عليها رحال الذهب شراك نعالهم نور يتلألأ كل خطوة منها مثل مد البصر وينتهون الى باب الجنة ))
ما اروع المشهد وما أجمل الرحلة والتى تُصحبنا فيها رائحة ذكية عطرة.

المشهد الثانى : مااعظم رحمة الله كل هؤلاء سيدخلون الجنة ياله من زحام شديد رغم سعة الابواب .
ان الجنة لها ثمانية ابواب ما بين مصراعى كل باب مسيرة اربعين عام ورغم عظم الابواب وسعتها سيكون هناك الزحام الشديد وعلمنا هذا من حديث الرسول صلى الله عليه وسلم:
(( ان مابين مصراعين من مصارع الجنة مسيرة اربعين سنة وليأتين عليها يوم وهى كظيظ من الزحام))
يالها من حسرة ان يدخل هؤلاء الجنة ولانكون من بينهم فى ذلك اليوم الذى يفر المرء من اخيه واميه وابيه تناديهم فلا يسمعونك وان سمعوا لايجيبونك فكل نفس بما كسبت رهينة تصرخ باعلى صوتك انا ابوكم تقولين انا امكم انا اخوكم بل انا اختكم انا التى كنتم تلتفون حولى انا التى كنت افضلكم على كل شىء انا التى كنت انسى حقوق ربى بسببكم انا التى
فنيت عمرى فى حبكم ولكن لافائدة فما كان لله دام واتصل ومكان لغير الله انقطع وانفصل.

المشهد الثالث : واخيرا انفتح باب الجنة ما اروعه وما أجمله حلق الباب ياقوت احمر على صحائف من ذهب .
خلف الباب تمتد الاعناق لترى هذه الرياض الشاسعة والعيون الجارية يقول رسول الله صلى الله عليه وسلم :
(( عند باب الجنة شجرة ينبع من اصلها عينان فاذا شربوا من احداهما جرت فى وجوههم نضرة النعيم واذا شربوا من الاخرى لم تشعث اشعارهم ابدا)) .

المشهد الرابع : يارضوان اول زمرة جاءوا لدخول الجنة قل لهم طبتم فادخلوها خالدين .
يحدثنا عنهم المصطفى فيقول :
(( ان اول زمرة يدخلون الجنة على صورة القمر ليلة البدر والذين يلونهم على اشد كوكب درى فى السماء اضاءة
لايبلون ولايتغوطون ولايتمخطون ولايتفلون الخ ....)).

المشهد الخامس : كيف هى الجنة بناؤها الذهب والفضة وحصباؤها الياقوت واللؤلؤ وترابها الزعفران .
واما عن المنازل فيها فنقول ان اهل الجنة يتفاوتون فى منازلهم ودرجاتهم كما كانوا يتفاوتون فى الدنيا.

المشهد السادس : هيا نتجول ساعة بين الاشجار والانهار.
لنخرج الان من الخيام ونتجول بين الاشجار والانهار نهر الماء السلسبيل ونهر اللبن الخالص ونهر الخمر المباح ونهر العسل المصفى والجائزة الكبرى نهر الكوثر حوض النبى صلى الله عليه وسلم وموعد لقائنا معه فى الجنة
اما عن الاشجار حدث ولاحرج يحدثنا ابن عباس رضى الله عنه فيقول :
( شجرة فى الجنة على ساق قدر مايسير الراكب فى ظلها مائة عام فى كل نواحيها فيخرج اهل الجنة واهل الغرف وغيرهم , يتحدثون فى ظلها فيشتهى بعضهم لهو الدنيا فيرسل الله ريحا من الجنة فتحرك تلك الشجرة بكل لهو كان فى الدنيا)
وغيرها وغيرها من المشاهد الخلابة والتى يعجز اللسان عن وصفها وكيف له ان يصف مالايفنى ولايبييد.

المشهدالسابع : اهل الجنة يتزاورون.
قد نسأل أنفسنا هل سنلتقى اذا دخلنا الجنة ؟
اذا كنا فى الدنيا ومافيها من الوان البلاء نسعى للقاء فما بالكم اذا دخلنا الجنة وانتهت الاحزان سيتم الله علينا نعمه باللقاء
(( وَلَكُمْ فِيهَا مَا تَشْتَهِي أَنْفُسُكُمْ وَلَكُمْ فِيهَا مَا تَدَّعُونَ)) فصلت (31).

المشهد الاخير : سلام الله عليكم يااهل الجنة ألا ادلكم على اعظم من هذا كله رضوان من الله اكبر.
عن النبى صلى الله عليه وسلم قال :
(( اذا سكن اهل الجنة الجنة اتاهم ملك فيقول لهم ان الله يامركم ان تزوروه فيجتمعون فيامر الله تعالى داود فيرفع صوته بالتهليل والتسبيح ثم توضع مائدة الخلد قالوا يارسول الله ومائدة الخلد قال زاوية من زواياها مابين المشرق والمغرب فيطعمون ثم يسقون فيقولون لم يبقى الا النظر فى وجه ربنا عز وجل فيتجلى لهم فيخرون سجدا فيقال لهم ، لستم فى دار عمل انما انتم فى دار جزاء وبينما هم فى نعيمهم اذ سطع لهم نورا فرفعوا رؤوسهم فاذا الرب جل جلاله ، يقول لهم سلام عليكم اهل الجدن ثم يقول هل رضيتم يقولون ومالنا لانرضى ياربنا وقد اعطيتنا مالم تعط احدا من خلقك فيقول احل عليكم رضاى فلا اسخط عليكم ابدا )) .

اللهم ارزقنا رضاك وعفوك ولاتحرمنا رضاك وجنتك

والان ثم ماذا بعد بعد ان سمعت عن هذا النعيم اما زلت مُصر على المعصية بالله عليك ماصفة هذه المعصية التى تحول بينك وبين الجنة ماهو شكلها ومامدى حبك لها ماهو هذا الذنب الذى تجبر وتسرطن حتى صار مرضا خبيثا يحرمك طيب
العيش فى جنات النعيم

اسمح لى ان اجيب نيابة عنك لا شىء كائن ماكان يستحق ان تحرم نفسك بسببه من الجنة لامال ولااولاد ولادنيا باسرها
فلنتعاهد ان نحطم كل القيود ونجمع شملنا ولا يكن لنا الا هم واحد وهو طاعة الله

واهتف واقول
لك وحدك اصلى واسجد , لك وحدك اخضع واذل واتوب وارجع ، عليك وحدك اتوكل واعتمد , فيك وحدك احب وابغض

وارضى واسخط ، بك اعوذ وبك الوذ يامنتهى املى وغاية مرادى
وعجلت اليك ربى لترضى

أما تاقت نفسك للجنة ؟ (1)

2009-06-16T07:30:00.000-07:00

بسم الله

اولا اقول ان اى غياب بيكون فعلا خارج عن اليد

وانا عندى ثلاثة ظروف دائما هى التى تبعدنى عنكم

اولها عطل الكمبيوتر والذى اصبح يتكرر كتير الايام ديه لكن الحمد لله ابنى بيقول انه خلاص انضبط

ثانيها ظروفى المرضية فانا مريضة ضغط وسكر ومرضى النوعين دول دايما متقلبى المزاج اسالكم الدعاء

ثالثا الصيف وزواره ماتعرفوش الصيف عامل ازاى

زيارات لاتنقطع مع عودة المسافرين اصل زى ماتقولوا عندنا هو بقى بيت العيلة

بجيب ست الحبايب والتجمع بيكون عندى

معلش ادينى قلت الاسباب بس لو غبت اوعوا تخمنوا مع نفسكم تسالوا عليا وتشوفوا ايه اللى غيبنى

افرضوا ان الغياب كان بسبب المرض مش تعرفوا علشان

الزيارة والتفاح والموز والذى منه

ماتخافوش كده انا ممنوعة من الحاجات ديه

بس القليل منها يعنى يادوب تفاحية او موزية

ابقوا رتبوها انتم مع بعض

وندخل على الموضوع دلوقتى

ــــــــــــــــــــــــــــــــــــ

وفى نهاية المطاف ونحن على مشارف النهاية من سلسلة متى اعددت لها فما بقى رُبما يكون جزئين او ثلاثة على الاكثروسوف نقوم فى اخر جزء بعمل خطة تعبدية نستعين فيها بالله لعلها تكون بداية ألا تضيع مننا الساعات هباء وتكون شىء تجريبى للاستعداد لرمضان

اللهم بلغه لنا على خير فلن تنشط الهمة وتعلو فيه إلا بالتسخين قبلها ولكن دعنى اقول لك الان

أما تاقت نفسك للجنة ؟

وقبل ان يسكن القلم أُذكرك وأُذكر نفسى بل أُبشرك وأُبشر نفسى بالوعد الذى وعد الله به عباده المؤمنين ألا وهو دخول الجنة

جائزة الرحمن حيث النعيم الذى لايفنى والراحة التى لايعقبها نَصَب (تعب) ولا ألم والسعادة التى لايعقبها شقاء فهناك حيث الجنة حيث نهاية رحلة المؤمنين وتوزيع الجوائز على الفائزين

هناك حيث السكون وزوال الخوف والروع وذهاب الحزن والفزع حيث جنى الثمار وجرى الانهار ولقاء الاخيار

هناك حيث مأوى النبيين والصديقين والشهداء والصالحين فان كنا فى الدنيا نتهافت على لقاء اهل العلم وحضور مجالسهم والاستماع اليهم ونيل بركة دعائهم وتخشع قلوبنا بمجرد رؤيتهم ولقائهم كغريق يتعلق بالحياة كلما راى قارب النجاة

فكيف بجنة يسكنها ابو بكر وعمر وعلى وعثمان؟

جنة تجاورك فيها خديجة وفاطمة ومريم وآسيا وعائشة رضى الله عنهم جميعا ؟

كيف بجنة يسكنها هذا الجم الغفير من آكابر الصحابه والتابعين جعلها الله بفضله واحسانه جزاء لهم ؟

كيف بجنة اول من يطرق بابها سيد العابدين وامام المتقين محمد صلى الله عليه وسلم فتفتح له ويقول له خازنها :

(( بك أُمرت ألا أفتح لأحد قبلك ))

فيدخلها ويدخل معه اول زمرة على صورة القمر ليلة البدرهناك حيث اروع النعيم واحسن الجزاء ورؤية وجه الرحمن جلّا فى علاه سبحانه ذى الجبروت والملكوت والعزة والكبرياء وهو الرضوان الاكبر الذى اعده الله لاهل طاعته المتقين الأبرار الذين رضى الله عنهم ورضوا عنه جعلنى الله وإياكم منهم اللهم امين

ولكن كيف هو وصف الجنة ؟

نريد ان نعلم الان كيف صفة هذه الجنة التى غرسها الرحمن بيديه وجعلها جائزة لعباده المفلحين لعل النفوس تزداد عزيمة وصدق فى توبتها ولعل الارواح تزداد سمو وارتقاء عن براثن المعاصى ورجس الذنوب ولعل القلوب تزداد لهفة وشوقا لهذا الجزاء الثمين

إبتداءً كل ماخطر على بالك من الوان النعيم والسعادة وكل ماتمنيته او جاء على خاطرك فليس هو الجنة بل الجنة اعظم منها

فكل ما رأت عيناك وسمعت اذنيك وتحدث به خاطرك واشتاق اليه قلبك فالجنة اجمل وارقى وابهى

قال رسول الله صلى الله عليه وسلم : (( قال الله تعالى اعددت لعبادى الصالحين مالا عين رات ولا اذن سمعت ولاخطر على قلب بشر فاقرءوا ان شئتم (فَلَا تَعْلَمُ نَفْسٌ مَا أُخْفِيَ لَهُمْ مِنْ قُرَّةِ أَعْيُنٍ جَزَاءً بِمَا كَانُوا يَعْمَلُونَ) )) السجدة: 17

والجنة هذه من علم الغيب الذى لانعلم شيئا عنه الا بما اعلمنا الله به عز وجل او حثنا عليه المصطفى صلى الله عليه وسلم لايستطيع احد كائن من كان ان يحدثك عما بهذه الداراو عن عظم قدرها الا خالقها ومبدعها الله عز وجل سواء كان ذلك فى ايات تتلى او يتعبد بها لله عز وجل او عن طريق الوحى الذى اذن الله فيه لنبيه ان يحدث بها ولذا كان من حكمة الله البالغة ان سمح للنبى الكريم صلى الله عليه وسلم برؤية الجنة وذلك من خلال رحلته المباركة ليلة الاسراء والمعراج

ليصف لنا وصفاً دقيقاً وينقل لنا مشاهد حية من الجنة فكأننا نراها بعينه صلى الله عليه وسلم وليس بعد وصف الله عز وجل لها ووصف حبيبه صلى الله عليه وسلم اى مقال فهو ابلغ الكلام واحسنه

وفى جزئنا القادم سنعرض مشاهد لرحلة المؤمنين منذ خروجهم من قبورهم الى دخول الجنة ونتجول معهم لنرى عظم ما اعده الله لهم

جارتى المستشارة

2009-05-29T10:10:00.000-07:00

انا قلت ناحذ هدنة من سلسلة الاعداد لها وسنرجع لها قريبا باذن الله

وحقولكم سبب الهدنة انى لاحظت من معظم تعليقات الجزء الثانى وان لم يكن اغلبها

ان فيه خوف ورعب من الموت ورغم انه الحقيقة الوحيدة فى حياتنا

فقلت نهدى الامور شوية فالمقصود التذكير وليس التخويف او التنفير

وعلشان كده قلت احكى لكم على جارتى الحبيبة

وقبل ماادخل فى التفاصيل اقولكم الموضوع من قبل المعرفة بها

منذ ثمانية اعوام فكرنا فى تغيير السكن وده طبعا امر يتطلب البحث والتنقيب

لمدد طويلة حتى نعثر على المطلوب وبالفعل عثرنا على عمارة كبيرة

من اللى بيطلقوا عليها برج نظرا لارتفاع ادوارها وكثرة شققها

دخلنا واتفرجنا وفعلا عجبتنا قوى

شقة بالمواصفات اللى احنا عاوزينها ولكن ما جعلنى اقلق منها هو الشقة اللى جانبها واللى كان على بابها يافطة تحمل اسم المستشار فلان

والقلق كان من ايه ؟

ان احنا واخدين فكرة وطبعا مش من فراغ ان كل من ينتمى الى القضاء والداخلية وما شابه ذلك فى ارتباط شرطى بين الملتزمين وبينهم وده على اللى بنسمعه عن بطشهم وتعاليهم

المهم انا ارفض الشقة وزوجى متمسك بيها ويقولى احنا مالنا احنا هانكون فى حالنا احنا بنعمل ايه يعينى علشان يبقى فيه خوف منهم اقوله مش شرط احنا نعمل بس هم ممكن يعملوا

باءت كل المحاولات بالفشل امام اصرار زوجى ومندوب التسويق الخاص بالعمارة واللى قعد يغرى زوجى بالمزايا اللى فى العمارة واللى يتمناها اى حد يرغب فى السكن المتميز

وتم الانتقال وانا مسيطر عليا القلق والضيق وبدأت اصدر فرمانات لاسرتى

- ما حدش يعلى صوته

- ما حدش ينسى باب الشقة مفتوح ولو لحظة

- نخرج فى هدوء ونرجع فى هدوء

- ما حدش يسمع لنا حس فى الدخول ولا الخروج

- حتى الزوار انبه عليهم ما يعملوش حس وهم جايين

كل هذا وزوجى والاولاد يتزمرون ويقولوا ليه يعينى فى ايه احنا فين هنا ؟

اقولهم هو كده نحرص وخلاص اللى جانبينا مش بيرتحوا للمتلزمين

مر اسبوع على السكن واذا بالباب بيخبط وانا لوحدى فى الشقة

فتحت وجدت سيدة واذا بها تعرفنى بنفسها

انا جارتك المستشارة فلانة فى النيابة (( ياخبر ابيض هى كمان الزوجة مستشارة ))

دخلتها وانا متحفظة فإذا بى اجد سيدة متواضعة جدا وتمتلك روح الدعابة وخفة الدم

ما اعرفش هى اخدت بالها من تحفظى ولا هى عارفة الحاجز اللى بيكون بين الملتزمين وبينهم فكانت بكل جهدها تزيل هذا الحاجز بدون الكلام عنه

والله بعد ربع ساعة بالظبط كنت رجعت لطبيعتى واعصابى ارتحت من الشدة اللى فيها وطالت القاعدة لمدة ساعتين لم اشعر بها من جمال ما دار بيننا من حورارت ما بين الفترة اللى قبل سكنا هنا وكنا فين وبعدين الكلام عن الزواج والاولاد وبعض الامور الخاصة عن العمارة وساكنيها وبعد فترة لما صرحت لها عن خوفى من السكن جنبها قبل ما اعرفها علشان زوجها المستشار ضحكت وقالت لى طب خدى عندك ده العمارة فيها اعداد كبيرة من لواءات الشرطة والقضاة والمستشارين

بل المفاجأة إن مأمور القسم التابعين له ساكن فى العمارة وانا طبعا لم اعرف هذا لان الانسيسرات لا تعطى مجال لهذه المعرفة

والان وبعد 8 سنوات اقول :

(( أن جارتى هذه من أقرب الناس لى ، بل أقرب لى من اختى الوحيدة وأتحدث لها فى امور لا استطيع التكلم فيها مع احد ، فى السراء أجدها ولو فى اى مناسبة عندنا تكون هى اول المشرفين على المناسبة ، هى فى الضراء اول من يمسح دمعتى واحيانا ادخل عندها وانا مكتأبة وتخرجنى من اكتئابى وهى حتى ما تعرفش سببه ، مريت بظروف مرضية شديدة كان الدكاترة مانعين الزيارة والكلام لم تتركنى لحظة وكانت معى بالمستشفى وتركت شغلها وبيتها وكان من مواقفها الاثر الطيب فى الاسراع بتجاوز فترة المرض بالخير ، فى رحلتى للحج والعمرة وهى الرحلات التى اترك بها الاولاد انا وزوجى ارجع اجدها عاملة مع الاولاد اكثر مما اتخيل ، مواقفها معى كثيرة وكثيرة ومن نعم الله عليا هذه الجارة الحبيبة وزوجها الذى لا يقل عطاءا عنها واللى بقى مع زوجى زى ما هى معايا ،

نسيت اقول إنها بتحترم التزامى جدا بل بدأت من سنوات حفظ القرآن ورتبت جلسة اسبوعية مع بعض نساء العمارة ليتلاقوا فيها بعض الامور الدينية اللى اتعلمتها واللى ربنا يجعلها فى ميزان حسناتها فهى السبب فيها ..........

وفى النهاية لن أجد ما أختم به سوى هذه الكلمات المنقولة :

((ما أجمل أن يكون لديك انسان

يسال عنك ان غبت ........ يقترب منك اذا بعدت

ما أجمل أن يكون لديك فى الدنيا انســــــــــــــــــــــــان

يخاف عليك ..... يحــــــــبك

يرعاك ... يشاركك الفرح والسعاده.....والالم

ما أجمل أن تندمج ارواحكم معا .....فتصبحوا قلبا وعقلا واحدا

تفرحون معا.... تحزنون معا ...... وتتألمون معــــا

ما أجمل أن يكون لديك انســـــــــــــــــــــــــــــــان

يحسن الظن بك ويغفر لك ان اخطأت .... ويلتمس لك العذر ان له اسأت

ما أجمل أن يحفظ غيبتك ... ويدافع عنك... ويقطع لسان من يتكلم عليك

ما أجمل أن يكون لديك انســـــــــــــــــــــــــــــان

يشدد من ازرك ان ضعفت

ويشجعك ان جبنت...ينصحك ان اخطأت

ما أجمل أن يكون لديك انســـــــــــــــــــــــــــان

كاتما للسر............ .حافظا للعهد

وفيا للوعد ............ ....... صادق اللسان والقلب

فاذا كنت تملك هذا الشخص ...... فهنيئا لك به ......... فقد ربحت

فحافظ عليه كعينيك واحمد الله على نعمته عليك

انسان كهذا فى هذا الزمان الذى نعيشه كنز مفقود

اذا وجدته لا تجعله يضيع منك هباء ))

( الجزء الثانى ) هل تؤمن حقا بها ؟

2009-05-25T04:37:00.000-07:00

من علم انه مسئول اعد لكل سؤال جوابه
فى تعليق للدكتور توكل مسعود فى مقدمة الاجزاء قبل الاعداد لها هل نؤمن بها
ونؤكد السؤال هل فعلا نؤمن بالساعة او القيامة
هل نؤمن انه يوجد قيامة صغرى غير القيامة الكبرى وهى التى تاتى لكل انسان بوفاته
هل تؤمن فعلا انها تاتى بدون انذار او تنبيه

قال الله تعالى : (( بَلْ تَأْتِيهِمْ بَغْتَةً فَتَبْهَتُهُمْ فَلا يَسْتَطِيعُونَ رَدَّهَا وَلا هُمْ يُنْظَرُونَ )) (الانبياء:40)

هل تعلم انه يوجد وقوف بين يدى الله وسوف يوف كل انسان حسابه
هل تعلم ان كل انسان سيبعث على ما مات عليه
فالعالم من علم انه راجع الى الله

يقول بن القيم فى كتابه الرائع مدارج السالكين :

(جلس رجل امام احد العلماء وكان الشيب قدبلغ منه ، فساله العالم كم عمرك قال الرجل ستون عاما ، قال العالم ستون عاما انت سائر الى الله ، قال الرجل انا لله وانا اليه راجعون فقال العالم من علم النه راجع الى الله علم انه موقوف ، ومن علم انه موقوف علم انه مسئول ومن علم انه مسئول ، اعد لكل شؤال جوابه )

فحسب عمر كل منا نحن سائرون الى الله وفى النهاية
الوقوف بين يدى الله والحساب
واعلم ان العمر قد اوشك على الانقضاء
والانفاس تتصارع على الانتهاء وان كل يوم ينقضى من عمرك يبعدك عن دَنياك ويقربك من قبرك
وكأن بين طرفة عين وانتباهتها يَنادى عليك انه قد انقضى اجلك
فاجب داعى الله ولامفر من الاجابة

قال الله تعالى : (( فاذا جاء اجلهم لايستاخرون ساعة ولايستقدمون ))سورة النحل اية61

فأعد اجابة بين يدى ربك عندما يسألك عن دينك وعمرك ومالك وعلمك ؟
وعندما يسألك عن زوجتك وعن زوجك وابناءك ورعيتك ؟
عندما يسألك عن برك بأبيك وامك ؟
عندما يسألك هل كنت سببا فى نصرة دينك ام كنت سبب فى ضياعه وفتنة المسلمين ؟
عندما يسألك عن نبيك وحسن اتباعك له ؟
عندما يسألك ماغرك بربك الكريم ؟
اغرك حلمه عليك ورفقه بك وصبره على جفائك واعراضك عنه
اغرك انه لم ياخذك باول معصية وامهلك رحمة بك ورغبة منه فى اصلاحك ونجاتك
هل اعددت جوابا شافيا عندما يسئلك لم عصيت ؟

لماذا خلقنا الله ؟

2009-05-19T04:10:00.000-07:00

بسم الله الرحمن الرحيم
الجزء الاول

لماذا خلقنا الله والفهم الصحيح لها
فى البداية اعتذر ان المدة طالت شوية بين المقدمة واول جزء لان المفروض ان البوستات اللى فيها اجزاء تكون متقاربة حتى يحدث الترابط بينه
ولكن نظرا لظروف الاستعداد للامتحانات وماعليه اغلب البيوت حاليا
فقد جاء التاخير ولكن اعدكم الا يتكررهذا الا فى حالة خروج الامر عن يدى
وقبل بداية اول جزء اود ان انوه انا مراجعى فى اعداد السلسة كانت مدارج السالكين والفوائد واغاثة اللهفان ورهبان الليل ولاتحزن وانا التى ربتنى عائشة
لو طرحت سؤال لماذا خلقنا الله ستكون الاجابة فورية طبعا للعبادة
بل سيوجد الكثير سيؤكدون اجابتهم بالاية المعروفة( و ماخلقت الجن والانس الا ليعبدون )
فهذا يستدعى مننا وقفة طالما خلقنا الله لعبادته
فهذا يستوجب سؤال يساله كل منا لنفسه
هل حقا انا اعبد الله
هل نعيش فعلا محققين الغاية التى خلقنا الله من اجلها وهى العبادة لله
هل نجعل حياتنا كلها لله ام للشهوات والملذات
قد تاتى الاجابة بالايجاب
وقد تاتى بالاستغراب
فقد يقول قائل خلقنا الله للعبادة فقط فلا نعيش سوى بذلك
فنلزم المساجد ودارات حفظ القران ونمسك المصاحف
وبذلك نحقق الغاية التى خلقنا من اجلها ونترك الدنيا بكل مافيها
ولتوضيح ذلك لازم نفهم يعنى ايه خلقنا للعبادة ؟
ماذا يريد الله منى تحديدا ؟ وهل فهمنا ديننا حق فهم ؟
كثير يعتقد ان الدين لحية وقفطان قصير اونقاب
واخرون يقولون ان الدين صلاة وصوم وزكاة وعبادات
واخرون يقولون ان الدين مش صلاة ولبس وعبادات اهم من كل هذا القلب السليم وعدم ايذاء احد
فى كل هذه التفاسير للدين والمناورات خاصة فى الانفتاح الاعلامى الذى يطل علينا من النت والفضائيات
تاه الدين فالكل يتكلم نرى الكثير الان يتكلم فى الدين
ولكن نعود ونسال اين الفهم الصحيح للدين
وتاتى الاجابة بدون تعقيد الفهم الصحيح لدين الاسلام
هو فهم النبى صلى الله عليه وسلم وفهم الصحابه والتابعين واتباع التابعين
يقول الله تعالى فى سورة البقرة الاية رقم 137
(فان امنوا بمثل ماأمنتم به فقد اهتدوا وان تولوا فانما هم فى شقاق)
وعنه صلى الله عليه وسلم( انه من يعش بعدى فسيرى اختلافا كثيرا فعليكم بسنتى وسنة الخلفاء الراشدين من بعدى عضوا عليها بالنواجذ واياكم ومحدثات الامور)
وهو القائل صلى الله عليه وسلم( تركت فيكم ما ان تمسكتم به لن تضلوا بعدى ابدا كتاب الله وسنتى)
ونفهم من ذلك انه من اجل تحقيق الغاية التى خلقنا الله من اجلها
نفهم ماذا يريد الله منا !!
وجاءت الاجابة ان مايريده الله منا ان نؤمن ونتبع خطوات الهدى التى اتبعها رسولنا صلى الله عليه وسلم ولتسهيل فهم ما اراده الله وفهم الدين عموما يجب عمل الاتى
رسم خريطة للدين كله ونضع عليها كل عناصر الدين
من توحيد وصلاة وصوم وزكاة وحج ونوافل وبر والدين وصلة الرحم وعفو واحسان وذكر وغيره وغيره من عناصر الدين
وعلينا ان نضع كل عنصر من هذه العناصر فى وضعها الصحيح
لانه فيه ناس بتقدم اشياء عن اشياء مثل من يقول ان العمل عبادة وينشغل عن الصلاة
وناس تركز على اللبس وتترك جزيئات اخرى
وناس تهتم بالصلاة ولاتعطى الاشياء الاخرى حقها
فلابد من وضع كل عنصر من عناصر الدين فى وضعه الصحيح على الخريطة
ومن اجل تحقيق الغاية نرى واجبنا نحو كل عنصر وما امرنا الله به ومافعله رسولنا ونقوم به حق قيام دون الاهتمام بشء عن شىء او الافراط فى عمل شىء والتقصير فى الاخر
لو قمنا بعمل ذلك لجاء الرد على السؤال لماذا خلقنا الله والفهم الصحيح لها
ونلخص مافات علشان لايحدث تشتت بالاتى
ماالغاية التى خلقنا الله من اجلها ؟ هى العبادة
ولتحقيق ذلك نفهم ماذا يريد الله منى تحديدا ولاجابة السؤال لابد من فهم الدين
وكيف نفهم الدين ؟ بان نعمل خريطة للدين ونضع عليها كل عنصر ونعرف ما امرنا الله به تجاه كل عنصر ونقوم به دون ان يطغى عنصر على الاخر
ارجو الاتملوا من طول البوست مع انى حاولت الا اطول ولكن كان ضرورى ان اذكر كل مافات

مـــاذا اعددت لهـــا

2009-05-09T06:09:00.000-07:00

مـــاذا اعددت لهـــا
(مقدمـــة)
كنت اقرا فى موضوع واستوقفنى حديث لرسول الله صلى الله عليه وسلم عندما جاءه صحابى وساله متى الساعة فقال له مااعددت لها
وقفت عند الرد وسالت نفسى ماذا اعددت لها
ماذا اعددت لها ونحن نحيا فى زمان قُلبت فيه الموازين وشوهت فيه الحقائق وانتكست المبادىء والقيم
واصبحنا نحيا فى زمان غاب فيه صوت الحق وارتفع صوت الباطل
نحيا فى زمان الفتن زمان حسرة القلب وانكسار النفس وتكدير العيش ان يُسخر من رسولنا صلى الله عليه وسلم
ونحن نسمع ونقرا ولايتحرك لنا ساكن ولاتدمع لنا عين
وسألت نفسى متى نفيق من الغفلة ونحن يوما عن يوم يتحقق ماخبر به رسولنا الحبيب صلى الله عليه وسلم والذى لاينطق عن الهوى فلقد قال
(سياتى على الناس سنوات خداعات يصدق فيها الكذب ويكذب فيها الصادق ويوتمن فيها الخائن ويخون فيها الامين وينطق فيها الروبيضة قيل يارسول الله وما الروبيضة قال المرؤ التافه يتكلم فى أمر العامة)
اين الصادقون الذين يرون أن قطع ألسنتهم احق عندهم من ان يكذبوا او يتملقوا او يداهنوا
اين الذين اذا وعدوا صدقوا واذا عاهدوا وفوا
اين أهل العفو عند المقدرة اصحاب الفضل الذين ستسألهم الملائكة يوم القيامة بم فضلتم قالوا كنا اذا قدرنا عفونا
اين اهل العدل والانصاف
اين من يلتمسوا الكرب ليفروجها
اين اهل الولاء والبراء الذين لايألفون ولايجالسون الا أهل الصلاح ويبتعدون عن اهل المعاصى وامكانهم
اين المراة الدينة المسلمة المهذبة التى لاتتلبس فى سرها ولابعلانيتها بحال تستحى من اطلاع العقلاء عليه
اكاد ابكى على زمن مضى واندثر أنى لم تكتحل عينى بروية امام المتقين
واكاد ابكى واتحسر أنى لم افوز بشرف صحبته وصحبة اصحابه
والان ورغم ما يمر بنا وما نحيا فيه والفتن تحاصرنا من فوقنا ومن تحت ارجلنا الا انه لابد ان نعد العدة لها وهذا ما جعلنى ادعوكم لتذكرنا جميعا بالافاقه من الغفلة والاعداد لها واردت بها ان تكون سهما ولو بسيطا فى نصرة دينى واعلن بها حبى واعتزازى باسلامى وانتسابى لنبى هذه الامة
مع علمى اليقينى ان هذا الدين مؤيد منصور من قبل الله عز وجل لانه هو الذى تعهد بحفظه ونصرة اولياوه وان النصر والتمكين حليف هذه الامة بوعد الله عز وجل سواء شاء من شاء وابى من ابى
وعلى موعد قريبا فى سلسلة ماذا اعددت لها

براحتى معاكى وكأنك امى

2009-05-01T08:13:00.000-07:00

براحتى معاكى وكأنك امى

حصل موضوع كده من شهرين عاوزة احكى لكم عليه لانه مأثر فيا كثير
هو اللى حصل حصل بس مش عارفة حاسة عاوزة اكلمكم فيه
الموضوع ان لى واحدة صاحبتى ومن اصحابى المقربين بينا تليفونات وزيارات
غابت عنى شوية طلبتها اطمن عليها ردت وصوتها متغير وسألتها مالك يا قدرية
انتى تعبانة ولا ايه بكيت وقالت ياريت تيجى مش حينفع التليفون
قلت لها قدريه طمنينى مش حصبر لما اجى فيه ايه؟
قالت لى اصل هالة غضبانة عندى – هالة ليه؟ - مش حينفع لازم تيجى
لم احتمل نزلت وروحت لها على طول وطوال الطريق هالة غضبانة ياترى ليه ؟
دى عمرها ماحصلت خلال 6 سنين جواز
المهم ياخبر بفلوس- معلش نسيت اقولكم ان هالة ديه بنت قدرية الكبيرة
وصلت المنزل الحزن على الوجوه وفى كل ركن
خير ياجماعة بسرعة قولوا لى ايه اللى حصل ؟ اتكلمى ياهالة فيه ايه ؟
اترمت فى حضنى بتبكى وتقولى موضوع كبير ياطنط
المهم ادخل بيكم على الموضوع اتكلمت هالة وقالت
الاسبوع اللى فات كانت شيماء اختى متعركة مع جوزها علشان
المصروف والفلوس وكل ماتطلب منه حاجة يذلها ويطلع عينها
لما رحت عندها وكانت حالتها وحشة – اقترحت عليها اقتراح انها تاخد من فلوسه على قد ماتقدر من غير مايحس
وتصرف امورها - وتجيب اللى نفسها فيه من غير ما تطلب منه ويذل فيها
وقبل ماقوم عليها علشان نصيحتها السودة ديه لاختها شاورت لى قدرية ان اسمع للاخر
المهم كملى يا هالة اخذت ياطنط قعدتى وروحت على البيت
وسالتنى حماتى عن شيماء واخبارها وانا حكيت لها اللى حصل منى لشيماء
صرخت وقلت لها قلتى لحماتك الاقتراح اللى اقترحتيه على شيماء
قالت لى قلت لها كل اللى دار فى الزيارة
اتنهدت وقلت البنت ديه عبيطة ولا ايه ياقدرية
مش كفاية شورتها السودة لاختها كمان بتحكى لحماتها اكيد مش طبيعية
المهم ماعلينا كملى ياهالة ايه كان رد فعلها على كلامك
قالت وانا بكلمها مكنش لها رد فعل يخوف وردت على اللى قلته
ياخبر عليكى ياهالة دا انتى نصيبة وماوقفتش كثير عند كلمتها
قلتلها كملى يافالحة
جه احمد باليل حضرنا العشا ومفيش اى حاجة كانت باينة عليها
وانا اصلا بينى وبينها حوارات كثير عن زعلها من ولادهاومن حماى
هه جيبى من الاخر ياهالة وبعدين
ثانى يوم ياطنط فوجئت بها لابسة وخارجة ولما سألتها رايحة فين
قالت عند بنتها قلت لها استنى البس واجى معاكى قالت لى لاانا مش حغيب
رجعت حماتى وكانت متغيرة شوية ولما سألتها حصل حاجة عند اميرة
قالت لا انا بس مجهدة شوية ودخلت نامت
جاء احمد قبل ميعاده كالثور الهائج فيه ايه يا أحمد قالى لازم تنزلى دلوقت تروحى عند
اهلك وتبعتيلى عم عبد المنعم وانا اتكلم معاه
يهديك يرضيك لازم تنزلى طب تعالى معايا واتكلم مع بابا فى اللى مزعلك
واللى انا مش عارفة هو ايه؟قالى ابدا لما هو يجى حقوله
قلت لها وحماتك كانت فين قالت لى صحيت بس كانت سكتة
ولما تتكلم تقوله اهدى يابنى ليحصلك حاجة
نزلت ياطنط امام اصراره ولكن تعمدت الا اخد معايا هدوم غير غيار واحد
وانا فى حيرة ياترى ايه اللى حصل منى علشان يعمل احمد كل ده
وصلت عندنا وحكيت اللى حصل ونزل بابا فى ساعتها راح لاحمد
رجع بابا من عندهم حزين حزن الدنيا ولما سالته عرفت اللى حصل
حماتى ذهبت لابنها فى شركته وحكيت له على اللى دار بينا بخصوص شيماء
واحمد خد قرار ان واحدة مبدأها كدة ماتنفعش تكون زوجتى
كنت حاتجنن قلت لها ازاى تقولى لحماتك حاجة زى كده
ردت هالة بكل سذاجة انا اخدت راحتى معها وكأنها امى
اتدخلت انا طبعا لان الحماة ايضا صديقة لى بس مش صداقة حميمة زى قدرية
لكن راسها والف سيف انها ماترجع هالة تانى دى واحدة ملهاش امان
قلت لها اعتبريها اميرة وغلطت وانتى واحمد لكم كل الترضية لم تفلح وساطتى معها
ذهبت انا وزوجى لاحمد فى شركته بعيد عنها برضه مفيش فايدة
كان رده علينا ان هالة انتهت بالنسبة له تدخل الكثير غيرنا من الاهل والاصحاب والجيران والشيوخ
بدون فايدة وفى الوقت ده وفى محاولة من محاولات الصلح جه ابو هالة من بره وكان تعبان جدا وعلى بال ما جه الدكتور كان حصل انفجار فى المخ ومات وتم الطلاق بين هالة واحمد ورقدت قدرية بعدها والى الان طريحة الفراش
هكذا بكل سهولة انتهت قصة هالة واحمد بعد زواج دام 6 سنين يسبقه علاقة حب سنتين
احمد كان مهندس كمبيوتر وقفت هالة معاه بكل قوتها باعت شقة الزوجية وراحت تعيش مع حماتها
علشان يفتح احمد شركة خاصه به
لما اتاخر الانجاب راحت هالة تعمل الفحصوما ت وكل الاطباء اكد سلامتها ورفض احمد الذهاب لاى
دكتور ولم تعترض هالة وقالت انشاله ماخلفت انا عندى احمد بالدنيا
كانت مع اخواته البنات اخت ثالثة وكان كثير يتنرفز على امه وابوه وهى تصلح بينهم
كثير حماتها كانت تشتكى لها من حماها ومن ولادها وكانت تهون عليها وتخفف عليها
انا عارفة ان هالة غلطانة مش علشان اتكلمت مع حماتها بس ولكن علشان ايضا نصيحتها لاختها
ده اهم حاجة فى اختيار الزوجة انها تحفظ زوجها فى نفسه وماله مش تكون اول واحدة تسرقه
لكن هل تستحق هذه الغلطة هذا الثمن الغالى انها تحمل لقب مطلقة بهذه السرعة
والله هالة وطت على رجل احمد ورجل حماتها تبوسهم علشان لايقع الطلاق
ولم يشفع لها ذلك
زى ماقلت لكم حصل اللى حصل ومن بعدها وانا اردد للبنات اللى معايا فى المسجد
اوالمعارف اوعى تاخدى راحتك قوى مع حماتك وكانها امك
عارفة ان البوست طويل بس كان لازم احكى القصة كلها وربنا يهون علينا جميعا
مايحدث فى هذه الدنيا

2009-04-28T09:51:00.000-07:00

الاحبــــــــــــــــاء الاعــــــــــــــــــــــــــزاء

اهلا بكم فى اول موضوع لى فى مدونتى الجديدة

والموضوع عبارة عن حاجة بسيطة اعرفكم بها انا ليه عملتها

اول الحكاية ان بنتى كانت دايما بتذكر لى انها عاملة مدونة

وانها عاوزنى ادخل اقرائها

وانا لم اهتم ولم اعرف اصلا يعنى ايه مدونة

وبعد الحاح منها دخلت وجت رجلى فى الموضوع

ايه العالم ده هى دلتنى على كام مدونة ادخلهم

وعينكم ماتشوف الا النور

ازاى انا كنت بعيدة عن هذا العالم

وبعد مرور على المدونات لاكثر من شهرين

جت بنتى الكبيرة اللى اكبر من صاحبة المدونة اياها وطلعتها فى دماغى

وحصل المراد وتم عملها

عاوزاة منكم الدعوات والمباركات والورود والهدايات

ويارب تجدوا فيها اى شىء يكون فيه افادة

ويارب تكون صديقة لمدونتكم اللى افادتنى كثير

وبسم الله وتوكلنا على الله فى اول خطى التدوين والله الموفق